7-კაცას ევროპის ჩემპიონატი ესპანეთის ტრიუმფით დასრულდა

7-კაცა რაგბის ევროპის ჩემპიონატი ესპანეთის ნაკრების ტრიუმფით დასრულდა. "ლომებმა" სამი კვირის წინ ლისაბონის ეტაპი მოიგეს, ხოლო გუშინ მეორე, მოსკოვის ეტაპზეც პირველობა მოიპოვეს და შესაბამისად, ჯამურადაც ყველა გუნდს აჯობეს.

ესპანეთის 7-კაცა ნაკრებმა 26 ივნისს ჯგუფურ ეტაპზე საქართველო 38:0 დაამარცხა, პოლონეთს 33:0 სძლია, ხოლო პორტუგალიასთან 19:21 წააგო. 27 ივნისს "ლომებმა" მეოთხედფინალში იტალიას 36:7 მოუგეს, ნახევარფინალში გერმანიას 19:0 აჯობეს, ფინალურ მატჩში კი მოულოდნელად გასული ლიეტუვა დიდი სხვაობით 47:5 დაამარცხეს. 

ესპანეთმა საერთო ჯამში მაქსიმალური 40 ქულა მოიპოვა, მეორე ადგილზე გერმანია გავიდა 34 ქულით, მესამეზე რუსეთი გავიდა 30 ქულით, ლიეტუვამ 26 ქულა მოიპოვა, ხოლო საქართველომ 24 ქულით მეხუთე პოზიცია დაიკავა.