კუნძულელების ყველაზე დიდი სენსაციები საერთაშორისო რაგბიში (VIDEO)

წყნარი ოკეანეთის კუნძულების პაწაწინა ქვეყნები ფიჯი, ტონგა და სამოა ნიჭიერი მორაგბეების ნამდვილი სამჭედლოა.

რომ გადავხედოთ ტოპ ნაკრებების შემადგენლობას, არაერთ ნაკრებში აღმოვაჩენთ ფიჯელ, ტონგელ და სამოელ მორაგბეებს, რომელთაც სამშობლოში თამაშს ტიერ 1-ის გუნდში თამაში არჩიეს, სადაც გაცილებით უკეთესი პირობები, მეტი ანაზღაურება აქვთ. ეკონომიკური, რაგბის ჩაკეტილობის და სხვა ფაქტორებიდან გამომდინარე, მიუხედავად უდიდესი პოტენციალისა, კუნძულელები დღემდე ვერ იქცნენ პირველი დონის ქვეყნებად და მათ მიერ ტიერ 1-ის ქვეყნების დამარცხება მაინც სენსაციად მიიჩნევა ხოლმე.

გთავაზობთ შვიდ ყველაზე დიდ სენსაციას კუნძულელთაგან, რომლებიც საერთაშორისო რაგბიში დაფიქსირდა.