მატჩის ემოციური დასაწყისი და დასასრული: ბორჯღალოსნებმა გამარჯვება გიორგი ლომთაძეს მიუძღვნეს

საქართველოს ნაკრებმა "მიხეილ მესხზე" რუმინეთი დაამარცხა 25:17 და 2021 წლის რაგბი ევროპის ჩემპიონატზე მეოთხე გამარჯვება მოიპოვა.

ძალიან ემოციური გამოდგა მატჩის დასაწყისი და დასასრული. შეხვედრა წუთიერი დუმილით დაიწყო, რომელიც გიორგი ლომთაძის ხსოვნას ეძღვენებოდა. მატჩის დასრულების შემდგომ კი "ბორჯღალოსნები" გიორგი ლომთაძის ბანერთან მივიდნენ, წუთიერი დუმილით კიდევ ერთხელ მიაგეს პატივი მის ხსოვნას და გამარჯვება მიუძღვნეს. რამდენიმე მორაგბემ ცრემლების შეკავება ვერ მოახერხა.