როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
© გოგიტა ბუხაიძე
დღეს პირველ ლიგაში უნიშვნელოვანესი შეხვედრა გაიმართა. ზედა ექვსეულის მესამე ტურში "ხვამლი არენაზე" ერთმანეთს დიდი 10-ის საგზურისთვის მებრძოლები "ყაზბეგი" და "არმია" დაუპირისპირდნენ.
"ყაზბეგი" პირველ ლიგას 29 ქულით ლიდერობდა, ხოლო "არმიას" სამი ქულით ნაკლები ჰქონდა. იმ შემთხვევაში თუ "ყაზბეგი" ამ მატჩს მოიგებდა, დიდ 10-ში გადასასვლელად უდიდეს ნაბიჯს გადადგამდა და პირველ ადგილს ფაქტობრივად გაინაღდებდა, მაგრამ ასე არ მოხდა და მთავარი ბრძოლები დიდი 10-ის საგზურისთვის კვლავ წინაა.
მატჩი უაღრესად დაძაბული გამოდგა და მსაჯის საფინალო სასტვენამდე ორივე გუნდი ბოლომდე იბრძოდა. მატჩის პირველი ნახევარი 5:6 დასრულდა - მასპინძელთაგან ლელო თორნიკე ფანოზიშვილმა დადო, ხოლო არმიელთაგან ორი ჯარიმა ბახვა კობახიძემ გაიტანა.
მეორე ნახევრის დებიუტში "ყაზბეგის" რიგებიდან მეორე ლელო იაგო ხელაძემ დადო, მალევე კი მერაბ კვირიკაშვილმა გაიტანა ჯარიმა. საპასუხოდ, ბახვა კობახიძემ ოთხი ჯარიმა შეასრულა ზუსტად და "არმია" 5 ქულით დააწინაურა. მატჩის ბოლო წუთებზე "არმიამ" პირველი ლელოც დადო, რომელიც ლაშა ხაჭვანის ანგარიშზეა და სტუმრები 10 ქულით გავიდნენ წინ, მაგრამ გაწითლებულ დროში მერაბ კვირიკაშვილის ბრწყინვალე თამაშს გიორგი ასათიანის ლელო მოჰყვა, რომელიც თავად "მეკომ" გარდასახა და მასპინძლებმა ნუგეშის ქულა აიღეს - 20:23.
ამრიგად, პირველი ლიგის დასრულებამდე სამი ტურით ადრე, ორივე გუნდს 30 ქულა აქვს, თუმცა ურთიერთშეხვედრებიდან გამომდინარე, პირველ ადგილზე "არმიამ" გადაინაცვლა.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.