როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
ჭიათურაში ახალი სარაგბო სტადიონის მშენებლობა იგეგმება. აღნიშნულ ინფორმაციას ჭიათურის მუნიციპალიტეტის მერიის ფეისბუქ გვერდი ავრცელებს.
გუშინ ჭიათურის მერმა გივი მოდებაძემ, რაგბის კავშირის გამგეობის წევრმა გაიოზ მონიავამ, არქიტექტორმა სანდრო ჩხენკელმა, 27-ე სპორტული სკოლის წარმომადგენლებმა, ვეტერანმა და ახალგაზრდა მორაგბეებმა ჭიათურაში ის ადგილი მოინახულეს, სადაც ახალი სარაგბო სტადიონი უნდა აშენდეს.აღნიშნული პროექტისთვის ტერიტორია გაგარინის ქუჩაზეა გამოყოფილი (ყოფილი პროფტექნიკური სასწავლებლის ტერიტორია). დაგეგმილია საერთაშორისო სტანდარტების შესაბამისი ორი სტადიონის მშენებლობა. ერთი მათგანი სტანდარტული ზომის, მეორე კი - შედარებით პატარა იქნება.
მხარეები შეთანხმდნენ, რომ ამ ეტაპზე უნდა შეიქმნას ტოპოგრაფიული რუკა, მოხდეს არსებული ტერიტორიის გეოლოგიური შესწავლა და დასკვნის საფუძველზე დაიწყოს პროექტირება.
"ჭიათურაში 40 წელია, რაც რაგბი არსებობს და უნდა ითქვას, რომ ჭიათურელ სპორტსმენებს დიდი ღვაწლი მიუძღვით საქართველოში სპორტის ამ სახეობის განვითარებაში. სამწუხაროდ,ამდენი წელია, მათ არ აქვთ საკუთარი სტადიონი და ნამდვილად სწორი გადაწყვეტილება მივიღეთ, როცა პრიორიტეტი ჭიათურაში სტადიონის აშენებას მივანიჭეთ. შესანიშნავი ადგილია, რაც ვნახეთ. იმედია,2-3 თვეში მომზადდება პროექტი და დავიწყებთ სტადიონის მშენებლობას” - აღნიშნა რაგბის გამგეობის წევრმა გაიოზ მონიავამ.
"სპორტის ნებისმიერი სახეობის განვითარებაზე ზრუნვა ჩვენი უმთავრესი პრიორიტეტია. მით უფრო,როცა საქმე რაგბს ეხება. ჭიათურელმა მორაგბეებმა არაერთხელ დაამტკიცეს თავიანთი შესაძლებლობები, მაგრამ ამ პოტენციალს მეტი განვითარება სჭირდება. ამას ისახავს მიზნად ახალი სტადიონის მშენებლობა, რაც იმედია, ხელს შეუწყობს ჩვენს მუნიციპალიტეტში რაგბის პოპულარიზაციას” - განაცხადა ჭიათურის მერმა გივი მოდებაძემ.
ცნობისთვის, ჭიათურის "იმერეთი" წლევანდელ სეზონში პირველ ლიგაში ასპარეზობდა, თუმცა გუნდმა წარუმატებელი შედეგები აჩვენა, ჩემპიონატი ქვედა ექვსეულში მეოთხე პოზიციაზე დაასრულა და რეგიონულ ლიგაში გავარდა.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.