კლუბ წიქარას წარმომადგენელი: "კლუბის პრეზიდენტი ცუდად გახდა, რომელიც ბოლოს იძულებული გახდა, რომ მინდობილობა გადაეფორმებინა"

სარაგბო კლუბ "წიქარას" ერთ-ერთმა დამფუძნებელმა ნიკოლოზ წიქარიძემ განაცხადა, რომ მათი კლუბის პრეზიდენტი გუშინ ცუდად გახდა და საავადმყოფოში გადაიყვანეს.

მისი თქმით, ისინი გოჩა სვანიძის მომხრეები იყვნენ, შემდეგ კი ირაკლი აბუსერიძეს დაუჭირეს მხარი, რის გამოც წინასაარჩევნოდ მათზე ზეწოლა იყო და კლუბის პრეზიდენტი ნერვიულობისგან ცუდად გახდა, რის გამოც მისი საავადმყოფოში გადაყვანა გახდა საჭირო. 

წიქარაძის თქმით, კლუბის პრეზიდენტს ბოლოს ტელეფონით ესაუბრა და მისგან გაიგო, რომ ის იძულებული გახდა, რომ მინდობილობა სხვა პირზე გადაეფორმებინა, რომელიც სავარაუდოდ ხმას სწორედ იოსებ ტყემალაძე მისცემს. 

"გადავწყვიტეთ, რომ გაერთიანებისკენ გადაგვედგა საუბარი და ირაკლი აბუსერიძესთან საუბრის შემდეგ მას დავუჭირეთ მხარი. გუშინ კლუბის პრეზიდენტი თენგიზ გოცირიძე ნერვიულობის ფაქტორით გახდა ცუდად და გადაიყვანეს საავადმყოფოში, დღეს საოპერაციოდ იყო გამზადებული. ტელეფონით მითხრა, რომ იძულებული გახდა, მინდობილობა მიეცა ერთ-ერთი პიროვნებისთვის, რომელიც სავარაუდოდ მხარს ტყემალაძეს დაუჭერა. თენგიზ გოცირიძე კი ძალიან ცუდადაა და ახლაც გერმანულ კლინიკაში წევს", - განაცხადა ნიკოლოზ წიქარიძემ. 

როგორც მოგეხსენებათ, ირაკლი აბუსერიძის მომხრეები 28 დეკემბრიდან მოყოლებული ამბობენ, რომ სარაგბო კლუბებზე ზეწოლა ხდებოდა და მათი თქმით, ეს ყველაფერი სხვადასხვა მეთოდებით დღემდე გრძელდება. საარჩევნო ყრილობა კი დღეს ავჭალის სტადიონზეა ჩანიშნული და სხდომის დაწყებამდე არეულობა მოხდა, რომელშიც ირაკლი აბუსერიძის მომხრეები ტყემალაძეს სიტყვიერად დაუპირისპირდნენ. ისინი არჩევნებზე მონაწილეობას არ აპირებენ და მას დე ფაქტო არჩვნებს უწოდებენ.