როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
რუსეთის ნაკრების მთავარმა მწვრთნელმა ლინ ჯონსმა მორიგი ამბიციური განცხადება გააკეთა. უელსელი სპეციალისტის თქმით, საქართველოსთან მატჩში მიზნად გამარჯვებას ისახავს, მაგრამ ამავდროულად მოთმინებას ითხოვს.
"ჩვენი ამოცანა თბილისში გამარჯვებაა და ჩვენ გვაქვს ამის შესაძლებლობა, უბრალოდ ამისთვის კარგად უნდა მოვემზადოთ. დიახ, ჩვენ ძალიან კარგად უნდა ვითამაშოთ, რომ გავიმარჯვოთ, მაგრამ არ ვფიქრობ, ეს შეუძლებელია.
ჩვენ ვიცით, რომ საქართველო განვითარებით მრავალი წლით გვისწრებს - მათი ნაკრების 60% თამაშობს და ვარჯიშობს საფრანგეთში. მიუხედავად ამისა, ჩვენ უნდა გვჯეროდეს წარმატების. საქართველოსთან პირველი გამარჯვება რუსული რაგბისთვის იქნება აღმაფრენის წერტილი. ამიტომაც, ეს ძალიან გვჭირდება. სამწუხაროდ, მარტო მე არ შემიძლია ამის გაკეთება. ამისთვის საჭიროა, რომ ყველამ კარგად იმუშაოს.
ფედერაციის მხრიდან მხარდაჭერა ათიდან ათი ბალით შემიძლია შევაფასო. ყველაფერი, რასაც მათ ვთხოვ კეთდება. ამიტომაც, მე ვერ დავაღალატებ ხელმძღვანელობას. მსურს, რომ რაგბის ფედერაცია რუსეთში დიდი მოთამაშე გახდეს და ჩვენ ამ გზაზე ვართ. საჭიროა მხოლოდ მოთმინების გამოჩენა, ერთ წუთში ვერაფერს ვერ იზამ", - განაცხადა 56 წლის მწვრთნელმა.
შეგახსენებთ, რომ 2020 წლის რაგბი ევროპის ჩემპიონატის ბოლო ტურის მატჩი, რომელშიც საქართველო რუსეთს უმასპინძლებს 6 ან 7 თებერვალს გაიმართება. როგორც იცით, ეს შეხვედრა აქამდე ორჯერ გადაიდო.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.