ესპანეთი მთავარ ტალანტს კარგავს

"კლერმონის" ახალგაზრდა ტალანტი სამუელ ეზეალა "ვულკანების" რიგებში ბრწყინვალე სეზონს ატარებს. ეზეალა 11 დეკემბერს 20 წლის გახდება, წარმოშობით ესპანელ მორაგბეს ჯერ არ გადაუწყვეტია საფრანგეთის სახელით ითამაშებს თუ ესპანეთის.

ეზეალას ამჟამად ესპანეთის მოქალაქეობა აქვს, თუმცა ფრანგული პასპორტის აღების შემთხვევაში მას შანსი ექნება "მამლების" ღირსებ დაიცვას, ასეთი შემოთავაზება მას უკვე ჰქონდა ფრანგებისგან.

revistah.org-თან საუბარში მან განაცხადა, რომ ჯერ არ გადაუწყვეტია, რომელი ქვეყნის სასარგებლოდ გააკეთებს არჩევანს.

"წელს საფრანგეთის რაგბის კავშირი დამიკავშირდა და 20 წლამდელთა ნაკრებში თამაში შემომთავაზა, თუმცა მაშინ მოქალაქეობის მიღება ვერ მოვახერხე. მათ კიდევ შემომთავაზეს, რომ პროცედურა გამემეორებინა, მაგრამ ამ მომენტისთვის გადაწყვეტილი არ მაქვს საფრანგეთის სახელით ვითამაშებ, თუ ესპანეთის სახელით. ამჟამად ორიენტირებული ვარ, რომ მაქსიმალურად განვვითარდე "კლერმონთან" ერთად, დანარჩენს კი დრო გვიჩვენებს" - განაცხადა ეზეალამ.