ირლანდია - ახალი ზელანდია 29:20 (VIDEO)

ირლანდიის ნაკრები შაბათს "ავივა სთედიუმზე" ახალ ზელანდიას დაუხვდა და ერთ-ერთი ყველაზე დასამახსოვრებელი გამარჯვება იზეიმა.

"სამყურებმა" უძლიერესი მეტოქე აშკარად დაჯაბნეს და ცხრაქულიანი სხვაობით სრულიად დამსახურებულად იმარჯვეს. პირველი ნახევარი 5:10 დასრულდა. ჯეიმს ლოუს ლელოს, სტუმრებმა კოდი ტეილორის ლელოთი უპასუხეს, რომელიც ჯორდი ბარეტმა გარდასახა და მანვე ჯარიმაც ზუსტად შეასრულა.

მეორე ნახევარში კი ირლანდიის აშკარა უპირატესობა გამოიკვეთა. 43-ე წუთზე "ოლ ბლექსი" რონან კელეჰერმა დაალელოვა, ხოლო შვიდ წუთში კელან დორისმა გამოიჩინა თავი. სექსტონმა ერთი გარდასახვა გაიტანა, მალევე კი საჯარიმო შეასრულა ზუსტად და მასპინძლები 10 ქულით გავიდნენ წინ. საპასუხოდ, ვილ ჯორდანმა საპასუხო ლელო დადო, გარდასახვა და კიდევ ერთი ჯარიმა კი ჯორდი ბარეტმა შეასრულა ზუსტად. ეს კი თამაშის გადასარჩენად საკმარისი არ გამოდგა, რადგან დარჩენილ 15 წუთში შეცვლაზე შესულმა ჯო ქარბერიმ სამი ჯარიმა გაიტანა და მატჩი 29:20 დასრულდა.

ამრიგად, ირლანდიის ნაკრებმა ახალი ზელანდია არსებობის განმავლობაში მესამედ დაამარცხა. დანარჩენი 30 მატჩიდან კი "ოლ ბლექსს" 29 აქვს მოგებული. აღსანიშნავია, რომ ირლანდიამ ბოლო ხუთი მატჩში ანუ 2016 წლიდან მოყოლებული, "შავებს" მესამედ მოუგო.