საქართველოს ნაკრები საფრანგეთში გაემგზავრა

საქართველოს ნაკრებმა შევარდნის სარაგბო ბაზაზე მზადება დაასრულა და კვირას საფრანგეთში გაემგზავრა - ამის შესახებ საქართველოს რაგბის კავშირის ფეისბუქ გვერდი წერს.

"ბორჯღალოსნებმა" მზადების პირველი ეტაპი შევარდენის სარაგბო ბაზაზე გაიარეს, ხოლო დარჩენილ დროს უკვე საფრანგეთში მოემზადებიან. როგორც მოგეხსენებათ, საფრანგეთის და საქართველოს ნაკრებების ტესტ-მატჩი ქალაქ ბორდოში, კვირას 14 ნოემბერს თბილისის დროით 17 საათზე გაიმართება. ამ შეხვედრის დასრულების შემდეგ კი, "ბორჯღალოსნები" გეზს ესპანეთისკენ, კონკრეტულად კი არანხუესისკენ აიღებენ, სადაც 20 ნოემბერს 18:30 საათზე ფიჯის შეერკინებიან.