მთვრალი უელსელი გულშემატკივარი მოედანზე შეიჭრა და უელსს სალელოვე შეტევა ჩაუშალა (VIDEO)

უელსის ნაკრები "ფრინსიფალითი სთედიუმზე" მოქმედ მსოფლიო ჩემპიონ სამხრეთ აფრიკას დაუხვდა და დაძაბულ ბრძოლაში 18:23 დამარცხდა.

მატჩის 63-ე წუთზე უელსელებს ლელოს გატანის ძალიან კარგი შანსი ჰქონდათ, მაგრამ მოედანზე მოულოდნელად მთვრალი უელსელი გულშემატკივარი გამოჩნდა, რომელიც მინდორზე ზუსტად იმ ფრთაზე შეიჭრა, საიდანაც უელსელები მწვავე იერიშს ავითარებდნენ, თუმცა უნებურად ქომაგმა საკუთარ გუნდს ხელი შეუშალა, მოედანზე შეჭრისთანავე წაიქცა და სამხრეთ აფრიკა ხიფათისგან იხსნა.

მოედანზე შეჭრილი გულშემატკივრის ქმედებით ძალიან უკმაყოფილონი დარჩნენ სხვა ქომაგები და როდესაც მთვრალი ქომაგი სტადიონის დაცვის თანამშრომლებს გაჰყავდათ, რამდენიმე ქომაგმა მას ლუდი შეასხა.