ცვლილებები თამაშის ტემპის ასაჩქარებლად - დიდი 10-ის წესებში ცვლილებებია

2021 წლის 21 სექტემბერს რაგბის კავშირის გამგეობის სხდომაზე მოხდა წესთა ცვლილებების მიღება, რომელიც ძალაში შევიდა დიდი 10 ის და ესპუართა ლიგებში - იუწყება საქართველოს რაგბის კავშირის ოფიციალური ვებგვერდი. 

აღნიშული ცვლილებები 2022 წლის დასაწყისში (მიმდინარე სეზონის მეორე წრეში) ძალაში შევა პირველ და რეგიონალურ ლიგებში, რათა სეზონის ბოლოს ლიგებს შორის გადათამაშება და პლეიოფები განხორციელდეს თანაბარი წესებით. აღნიშული ცვლილებების გაცნობის მიზნით, მოხდება ინდივიდუალური შეხვედრები აღნიშნულ ლიგებში მონაწილე ყველა კლუბთან.

წესთა ცვლილებები 2021-2022

მიზანი: თამაშის ტემპის ასაჩქარებლად , შერკინებების რაოდენობის შემცირება იმგვარად,რომ შერკინებას ძალა არ დაეკარგოს.

• დერეფანი და შერკინება ზედმეტად იწელება – დერეფნის დროს არ შეიძლება შეკრება და მოლაპარაკება. ითვალისწინებს სანქციასთავისუფალი დარტყმის სახით. დერეფნის მოსაწყობათ მოცემულია 30 წამი;
• შერკინების მოსაწყობად მოცემულია 30 წამი. დარღვევა ითვალისწინებს სანქციას თავისუფალი დარტყმის სახით;
• თუ შერკინება ერთხელ გადაეწყო, მეორედ აღარ გადაეწყობა. მსაჯი გამოიყენებს სანქციას;
• შერკინებაში მოპოვებული თავისუფალი დარტყმის ან ჯარიმის ნაცვლად,  შემტევ გუნდს მხოლოდ ერთხელ შეუძლია კვლავ შერკინების მოთხოვნა;
• თუ ბურთი წინთამაშის შემდეგ აუტში გადაგორდა, დაინიშნება დერეფანი (შერკინების შეთავაზება ამოვარდა);
• მსაჯებმა ნაკლებად უნდა გააჩერონ დრო ტრამვების დროს (მაგ: თუ ერთ მხარეს 15 ნომერი წევს და მეორე მხარეს დერეფანია. ამ შემთხვევაში თამაში უნდა გაგრძელდეს);
• ყურადღება გამახვილდება უფრო მკაცრად მსაჯის ძახილზე – (რაქიდან 5 წამიანი) „გამოიყენე/გაიტანე“. დარღვევა ითვალისწინებს სანქციას  თავისუფალი დარტყმის სახით;
• მოლში ბურთის ვერ გამოვიყენების შემთხვევაში, ინიშნება სანქცია თავისუფალი დარტყმის სახით;