ლევან მაისაშვილმა ნოემბრის ტესტებისთვის 33 მორაგბეს უხმო

საქართველოს ნაკრების მთავარმა მწვრთნელმა ლევან მაისაშვილმა, ნოემბრის ტესტებისთვის გაფართოებული 33-კაციანი შემადგენლობა დაასახელა. 

განაცხადში 19 მორკინალი და 14 უკანახაზელია. ამჯერად, "ბორჯღალოსნების" რიგებში არცერთი დებიუტანტი არაა, თუმცა ორ მოთამაშეს მარჯვენა ბურჯ ლუკა ჯაფარიძეს და შუამარბ სანდრო სვანიძეს მხოლოდ თითო კეპი აქვთ მოხვეჭილი. 

"ბორჯღალოსნებმა" შევარდენის სარაგბო ბაზაზე მზადება უკვე დაიწყეს. იქ გუნდი შვიდ ნოემბრამდე მოემზადება, შემდეგ კი გეზს ბორდოსკენ აიღებს, სადაც 14 ნოემბერს საფრანგეთის ნაკრებს შეერკინებიან, ხოლო 20-ში ესპანეთის ქალაქ არანხუესში ფიჯისთან მოსინჯავენ ძალებს. 

ლევან მაისაშვილის აზრით, შემადგენლობა ამ მომენტისთვის ოპტიმალურია და ერთადერთი დანაკლისი ჯაბა ბრეგვაძეა.

საქართველოს ნაკრების 33-კაციანი განაცხადი ასე გამოიყურება:

პირველი ხაზი: მიხეილ ნარიაშვილი (66 კეპი, 5 ქულა), ნიკოლოზ ხატიაშვილი (6 კეპი), გურამ გოგიჩაშვილი (23 კეპი, 10 ქულა); შალვა მამუკაშვილი (83 კეპი, 55 ქულა), გიორგი ჭყოიძე (17 კეპი, 5 ქულა), ვანო კარკაძე (5 კეპი, 5 ქულა); ბექა გიგაშვილი (23 კეპი, 10 ქულა), გიორგი მელიქიძე (29 კეპი, 15 ქულა), ლუკა ჯაფარიძე (1 კეპი);
მეორე ხაზი: კოტე მიქაუტაძე (68 კეპი, 10 ქულა), ნოდარ ჭეიშვილი (32 კეპი), დავით გიგაური (12 კეპი, 5 ქულა), ლაშა ჯაიანი (11 კეპი), გრიგორ ქერდიყოშვილი (5 კეპი, 5 ქულა);
მესამე ხაზი: გიორგი ცუცქირიძე (21 კეპი, 15 ქულა), ბექა საღინაძე (23 კეპი, 15 ქულა), თორნიკე ჯალაღონია (10 კეპი, 10 ქულა), ოთარ გიორგაძე (29 კეპი, 30 ქულა), ბექა გორგაძე (31 კეპი, 35 ქულა);
9: ვასილ ლობჟანიძე (59 კეპი, 50 ქულა), გელა აფრასიძე (35 კეპი, 24 ქულა), მიხეილ ალანია (5 კეპი);
10: თედო აბჟანდაძე (26 კეპი, 164 ქულა), გიორგი ბაბუნაშვილი (4 კეპი, 9 ქულა);
12-13: მერაბ შარიქაძე (კაპ. 78 კეპი, 60 ქულა), გიორგი კვესელაძე (35 კეპი, 25 ქულა), დემურ თაფლაძე (10 კეპი, 5 ქულა), სანდრო სვანიძე (1 კეპი);
11-14: სანდრო თოდუა (93 კეპი, 65 ქულა), აკაკი ტაბუცაძე (13 კეპი, 55 ქულა), მირიან მოდებაძე (16 კეპი, 35 ქულა);
15: დავით ნინიაშვილი (7 კეპი, 20 ქულა), ლაშა ხმალაძე (87 კეპი, 53 ქულა).