ახალმა ზელანდიამ მსოფლიო რეიტინგის ლიდერობა დაიბრუნა

შაბათ-კვირას გამართული სანაკრებო მატჩების შემდეგ, "მსოფლიო რაგბის" რეიტინგში ცვლილებები მოხდა.

ახალმა ზელანდიამ კარდიფში უელსი დიდი სხვაობით 54:16 დაამარცხა, 0.39 სარეიტინგო ქულა გამოიმუშავა, რითაც სამხრეთ აფრიკას 0.23 ქულით გადაუსწრო და ლიდერობა დაიბრუნა. თავის მხრივ, 0.39 ქულა დაკარგა უელსმა, თუმცა მე-9 ადგილი შეინარჩუნა.

სხვა ცვლილებები მოწინავე ოცდაათეულს მიღმა მოხდა. გერმანიასთან შინ დამარცხების (16:46) შემდეგ, 0.89 დაკარგა და 50-ე ადგილიდან 53-ე პოზიციამდე დაქვეითდა. ანდორა ბულგარეთთან დამარცხდა და 73-ედან ხუთი პოზიციით დაქვეითდა, ხოლო თავად ბულგარეთთან ხუთი ადგილით წინ წაიწია და 82-ე საფეხურამდე დაწინაურდა.