ოფიციალურად: ტულონში პატრის კოლაზო ფრანკ აზემამ შეცვალა

წარუმატებელი სტარტის შემდეგ, "ტულონის" მთავარი მწვრთნელის პოსტზე ცვლილება მოხდა. 

"ლა როშელთან" გასვლაზე წაგებული (6:39) მატჩის შემდგომ, "ტულონის" ხელმძღვანელობამ მთავარი მწვრთნელის პოსტიდან პატრის კოლაზო დაითხოვა, რომელიც ხმელთაშუა ზღვისპირელებს 2018 წლიდან ედგა სათავეში. 

უკვე ცნობილია, კოლაზოს შემცვლელის ვინაობაც. "ტულონი" 50 წლის ფრანკ აზემამ ჩაიბარა, რომელიც 2014-2021 წლებში "კლერმონის" მთავარი მწვრთნელი გახლდათ და "ვულკანები" ზაფხულში დატოვა. აზემა "ტულონს" მინიმუმ სეზონის ბოლომდე გაწვრთნის.

"ტულონს" რვა ტურის შემდეგ ტოპ 14-ში 2 მოგება, 1 ფრე და 5 მარცხი აქვს. კლუბი 12 ქულით ბოლოსწინა მე-13 ადგილს იკავებს.