ჩილემ კანადას აჯობა და მსოფლიო თასის საგზურს მიუახლოვდა (VIDEO)

2023 წლის მსოფლიო თასის საგზურისთვის, საკვალიფიკაციო ეტაპზე ამერიკა 2-ის სტატუსისთვის ერთმანეთს ჩილეს და კანადის ნაკრებები შეერკინენ. 

პირველ მატჩში კანადას 22:21 ჰქონდა მოგებული. საპასუხო შეხვედრაში კი ჩილემ 33:24 იმარჯვა და მსოფლიო თასების არსებობის ისტორიაში კანადა პირველად აღმოჩნდა მის მიღმა, ხოლო ჩილე ამერიკა 2-ის სტატუსისთვის გადამწყვეტ მატჩში ურუგვაისთან დამარცხებულ აშშ-ს შეერკინება და მათგან გამარჯვებული საფრანგეთში გაემგზავრება, ხოლო დამარცხებული რეპეშაჟში გადაინაცვლებს და კიდევ ერთ, ამჯერად საბოლოო შანსს მიიღებს. 

აღსანიშნავია, რომ ჩილეს მსოფლიო თასზე არასდროს უთამაშია.