გურამ გოგიჩაშვილის ერთ-ერთმა კონკურენტმა რასინგ 92-თან კონტრაქტი გაახანგრძლივა

გურამ გოგიჩაშვილის ერთ-ერთმა კონკურენტმა, მარცხენა ბურჯმა ედი ბენ არუმ "რასინგ 92"-თან კონტრაქტი ორი წლით გაახანგრძლივა და შესაბამისად, პარიზული კლუბის ღირსებას 2024 წლის ივნისამდე დაიცავს - აღნიშნულ ინფორმაციას ცნობილი ფრანგული სარაგბო გამოცემა "მიდი-ოლიმპიკი" ავრცელებს.

31 წლის ბენ არუ "რასინგ 92"-ის ღირსებას 2010 წლიდან იცავს და 230 მატჩში 5 ლელოს გატანა მოახერხა. მან მიმდინარე სეზონში ტრავმის გამო მხოლოდ 1 შეხვედრის ჩატარება მოასწრო. ბენ არუს 2010-2018 წლებში საფრანგეთის ნაკრების კვართით 20-ჯერ უთამაშია.