ლელო სარასენსმა მოქმედი ჩემპიონი დამაჯერებლად დაამარცხა

© ანი რეხვიაშვილი

დიდი 10-ის მესამე ტურის გახსნით მატჩში "ლელო სარასენსი" საკუთარ მოედანზე "აიას" დაუხვდა და დამაჯერებლად 31:13 დაამარცხა.

პირველი ტაიმი თანაბარ ბრძოლაში წარიმართა. მასპინძელთაგან სამი ჯარიმა ბექა მამუკაშვილმა გაიტანა, ხოლო ქუთაისელთაგან ლელო გიგა ჯულუხაძემ დადო, ბონდო აბაშიძემ კი ერთი ჯარიმა გაიტანა და ტაიმი 9:8 დასრულდა. 

მეორე ნახევარში უპირატესობა "ლელო სარასენსმა" მოიპოვა. ორი ლელო გაგა ქევხიშვილმა დადო, ხოლო ბექა მამუკაშვილმა ერთი ლელოთი გამოიჩინა თავი. მოქმედი ჩემპიონის რიგებიდან კი ლელო სანდრო ფურცხვანიძემ მიითვალა - 31:13. ისიც აღსანიშნავია, რომ ნიკა ბაგაშვილმა 58-ე წუთზე წითელი ბარათი მიიღო და მასპინძლებმა 20 წუთზე მეტი 14 კაცით გაატარეს.