რუსეთის ნაკრებმა შემოდგომის ტესტებზე ორი შეხვედრა დაგეგმა

რუსეთის რაგბის კავშირის ოფიციალური ვებგვერდის ცნობით, "დათვები" ნოემბრის ტესტებზე მინიმუმ ორ შეხვედრას გამართავენ და ორივე შემთხვევაში, მათი მეტოქე ჩილეს ნაკრები იქნება, რომელიც სამხრეთ ამერიკაში სიძლიერით მესამე გუნდად ითვლება.

როგორც ცნობილია, მატჩები 20 და 26 ნოემბერს გაიმართება და ორივე შემთხვევაში მასპინძელი ქალაქი სოჭი იქნება.

გარდა ამისა, რუსეთის ნაკრები კიდევ ორ შეხვედრას გამართავს 2021 წლის რაგბი ევროპის ჩემპიონატის ეგიდით: 6 ნოემბერს გასვლაზე ნიდერლანდებს შეხვდებიან, ხოლო 14-ში ესპანეთს ესტუმრებიან.