საქართველოს 18-წლამდელთა ნაკრებმა ბელგია იოლად დაამარცხა და ევროპის ჩემპიონატის ფინალში გავიდა

კალინინგრადში მიმდინარე რაგბი ევროპის 18-წლამდელთა ჩემპიონატზე, თინეიჯერმა ბორჯღალოსნებმა ნახევარფინალურ მატჩში ბელგიის ნაკრები, იოლად, 37:3 დაამარცხეს და ფინალში გავიდნენ. 

საქართველოს 18-წლამდელთა ნაკრებმა პირველ ტაიმში 20:3 იმარჯვა, ხოლო მეორე ნახევარში მისი უპირატესობა კიდევ უფრო გაზარდა და საბოლოო ჯამში 34-ქულიანი სხვაობით იმარჯვა. როგორც მოგეხსენებათ, მეოთხედფინალში საქართველომ ჩეხეთი 76:0 გაანადგურა.

რაგბი ევროპის 18-წლამდელთა ჩემპიონატის ფინალური შეხვედრა 9 ოქტომბერს კალინინგრადში გაიმართება, სადაც საქართველო ტიტულის შესანარჩუნებლად პორტუგალიას ეთამაშება, რომელმაც ნახევარფინალში ესპანეთი 31:12 დაამარცხა.