ლელო სარასენსის სატრანსფერო სიახლეები

დიდი 10-ის 2021/2022 წლების სეზონის დაწყებამდე, გუნდების მიერ განხორციელებულ ტრანსფერებზე საუბარს განვაგრძობთ.

ამჯერად, "ლელო სარასენსის" მიერ განხორციელებულ ცვლილებებზე ვისაუბრებთ. გუნდში ბევრი ცვლილება არ მომხდარა. "შავ ლომში" წავიდა შვიდი მორაგბე, საიდანაც კლუბმა სამი მოთამაშე ბურჯი გიორგი პერტაია, ჰავბექი თენგიზ პერანიძე და კვაჭი თენგიზ ზამთარაძე უკან დაიბრუნა, ისევე როგორც მესამეხაზელი სანდრო მამამთავრიშვილი, რომელიც "ლელო სარასენსის" აღზრდილია, თუმცა ბოლო სეზონი ქუთაისის "აიაში" გაატარა და საქათველოს ჩემპიონი გახდა. ეს მოთამაშეები დიდ დიღმელებს მაშინ დაეხმარებიან, როდესაც რაგბი ევროპის სუპერ თასზე ცარიელი ფანჯარა იქნება. 

"ლელო სარასენსის" ტრანსფერები:

მოვიდნენ: სანდრო მამამთავრიშვილი, თენგიზ პერანიძე, გიორგი პეტრაია, თენგიზ ზამთარაძე (ყველა "შავი ლომი"), ბექა ბერუაშვილი ("გორი"), ზაურ კენჭაძე (ჭიდაობიდან გადავიდა რაგბიში), სანდრო ზუბაშვილი ("არმაზი");

წავიდნენ: დემურ თაფლაძე, ოთარ ლაშხი, აკაკი ტაბუცაძე, დავით ლაზვიაშვილი ("შავი ლომი"), ბეჟან გავაშელიშვილი ("ყაზბეგი");