რუსთავის ხარების სატრანსფერო სიახლეები

დიდი 10-ის 2021/2022 წლების სეზონის დაწყებამდე, გუნდების მიერ განხორციელებულ ტრანსფერებზე საუბარს განვაგრძობთ.

ამჯერად, "ხარების" მიერ განხორციელებულ ცვლილებებზე ვისაუბრებთ. რუსთაველთა რიგებში არაერთი ცვლილება განხორციელდა, მათ შორის მატებაა სამწვრთნელო შტაბშიც, რომელსაც თემურ ლობჟანიძე და ირაკლი ნატრიაშვილი შეუერთდნენ. გუნდში დაბრუნდნენ "შავი ლომის" წევრები შუამარბი გურამ ქანდაურიშვილი ("ბათუმი") და მესამეხაზელი თორნიკე აქუბარდია ("აია"), რომლებიც რუსთაველებს რაგბი ევროპის სუპერ თასისგან თავისუფალ პერიოდში დაეხმარებიან. 

რუსთავის "ხარების" ტრანსფერები:

მოვიდნენ: ლაშა გოგიაშვილი ("აია"), ნიკოლოზ ბერძული ("მეტალურგი", რუსეთი), ლევან ჭავჭავაძე ("ვეფხვები"), გიორგი გოგუაძე, გიორგი ძმანაშვილი, თემურ ლომსაძე, იაგო მარსაგიშვილი, ფრიდონ კილაძე, საბა გოგოლაური, რატი შუკვანი, ბექა ხვისტანი (ყველა "ა" ლიგის ჭაბუკთა გუნდიდან დაწინაურდა), გურამ ქანდაურიშვილი, თორნიკე აქუბარდია ("შავი ლომი");

წავიდნენ: უჩა აღაშვილი, ლექსო მელიქიშვილი, ზვიად ციცქიშვილი, ბექა ბებიაშვილი, გიგა ქვლივიძე, დიმიტრი ცაბაძე, ცოტნე დარჩია და ნიკა ჩუმაშვილი.