ბათუმის სატრანსფერო სიახლეები

დიდი 10-ის 2021/2022 წლების სეზონის დაწყებამდე, გუნდების მიერ განხორციელებულ ტრანსფერებზე საუბარს განვაგრძობთ.

ამჯერად, "ბათუმის" მიერ განხორციელებულ ცვლილებებზე ვისაუბრებთ. "შავ ლომში" წასული ექვსი მორაგბიდან საქართველოს ვიცე-ჩემპიონმა ოთხი უკან დაიბრუნა და თავისუფალ პერიოდში კვლავ მათ დაეხმარებიან. რაც შეეხება ახალწვეულებს, "ბათუმი" ხუთი ახალი მორაგბით გაძლიერდა და სამი საკუთარი აღზრდილი დაიბრუნა. 

"ბათუმის" ტრანსფერები:

მოვიდნენ: რეზი ჯინჭველაშვილი (მგეზავი, "არმაზი"), ზურაბ ძნელაძე (შუამარბი/ფრთა/ფულბექი, "აია"), გიორგი ჩხარტიშვილი (ბურჯი, "ლოკომოტივი"), გიორგი წიკლაური (შუამარბი, "ყოჩები"), გუგა შენგელია (მესამე ხაზი, "იუნკერები"), ნუკრი ფერსელიძე (იჯარა დაუსრულდა - მეორე ხაზი, "არწივები"), იაგო ხელაძე (იჯარა დაუსრულდა - მეორე ხაზი, "არესი"), მურმან ჯიჯავაძე (იჯარა დაუსრულდა - ბურჯი, "აია").

წავიდნენ: გოგა ქადარია, გურამ ქანდაურიშვილი ("შავი ლომი"), შოთა გოგისვანიძე ("ანგულემი", საფრანგეთი), ამირან მიქაძე ("ყოჩები").