ყაზბეგის სატრანსფერო სიახლეები

დიდი 10-ის 2021/2022 წლების სეზონის დაწყებამდე, გუნდების მიერ განხორციელებულ ტრანსფერებზე საუბარს განვაგრძობთ.

ამჯერად, დიდი 10-ის დებიუტანტის სტეფანწმინდის "ყაზბეგის" მიერ განხორციელებულ ცვლილებებზე ვისაუბრებთ. მოხევეებმა "შავი ლომიდან" დავით გიგაური, დემურ თაფლაძე, აკაკი ტაბუცაძე და გიორგი ხუროშვილი გაიფორმეს, რომლებიც თავისუფალ პერიოდში ელიტის ახალწვეულებს დაეხმარებიან. მათ გარდა, "ყაზბეგმა" კიდევ რამდენიმე საინტერესო მორაგბე გაიფორმა და ასევე ჰყავთ ისეთი გამოცდილი მორაგბეები, როგორებიც მერაბ კვირიკაშვილი და ირაკლი ყიასაშვილი არიან, რომელთაც სტეფანწმინდელების დიდ 10-ში აღზევებაში ძალიან დიდი წვლილი შეიტანეს.

"ყაზბეგის" ტრანსფერები:

მოვიდნენ: ლევან გომიაშვილი (ბურჯი, "იუნკერები), გიორგი ღლონტი (კვაჭი, "აია"), არსენ ტრაპაიძე (მეორე ხაზი, "იუნკერები"), ლუკა დვალიშვილი (ჰავბექი, "არმაზი"), ბექა გავაშელიშვილი (მგეზავი/შუამარბი, "ლელო სარასენსი"), ნიკოლოზ გიგაური (ფრთა, "არმაზი"), გიორგი ხუროშვილი (კვაჭი, "შავი ლომი"), დავით გიგაური (მეორე ხაზი, "შავი ლომი"), აკაკი ტაბუცაძე (ფრთა, "შავი ლომი"), დემურ თაფლაძე (შუამარბი/ფრთა, "შავი ლომი");

წავიდნენ: ოთარ კილასონია (კვაჭი), ბექა ბერსენაძე (მესამე ხაზი), რეზო ქოქოლაძე (ბურჯი), გიორგი ასათიანი (მგეზავი/ფულბექი), ლადო ქიზიყურაშვილი (მოთამაშე-მწვრთნელი), ჯონი ხეცურიანი (მგეზავი).