აკადემია სანქტ-პეტერბურგში გასამართ 7-კაცას ევროპის საკლუბო ჩემპიონატზე იასპარეზებს

თბილისის "აკადემია" სანქტ-პეტერბურგში გასამართ 7-კაცას ევროპის საკლუბო ჩემპიონატზე მიიღებს მონაწილეობას - აღნიშნულ ინფორმაციას "რაგბი ევროპის" ოფიციალური ვებგვერდი ავრცელებს.

ტურნირი 4-5 სექტემბერს სანკტ-პეტერბურგში გაიმართება და მასში 12 გუნდი მიიღებს მონაწილებას, რომელთაგან ერთ-ერთი "აკადემია" გახლავთ. სხვა მონაწილე გუნდები არიან: "პოზნანი" (პოლონეთი), ბალტრექსი ("ლიეტუვა"), "მიესნიეკი" (ლატვია), "ვვა-პადმასკოვიე" (რუსეთი), "დუკლა" (ჩეხეთი), "გრან მილან - კუს მილანო რაგბი" (იტალია), "ზასტავა" (რუსეთი), "ჟენევა" (შვეიცარია), "ბერა-ბერა ერტი" (ესპანეთი) და "სევენტიე" (საფრანგეთი). კიდევ ერთი მონაწილის ვინაობა მოგვიანებით გახდება ცნობილი. 

ანალოგიური ტურნირი ქალთა რაგბიშიც გაიმართება, სადაც 10 გუნდი მიიღებს მონაწილეობას, თუმცა ქართული გუნდი წარდგენილი არ იქნება.

გარდა ამისა, 11-12 სექტემბერს მოსკოვში ქვიშის რაგბის ტურნირის ფინალური ეტაპის გაიმართება, როგორც კაცთა, ასევე ქალთა დონეზე. როგორც "რაგბი ევროპის" ოფიციალურ ვებგვერდზე წერია, კაცთა ტურნირზე საქართველო და იტალია მიიღებენ მონაწილებას.

ასევე იხილეთ:

"ჩემი მიზანია მოვიძიო ფინანსები და კლუბს წინსვლაში დავეხმარო" - ინტერვიუ აკადემიის ახალ პრეზიდენტთან