მოსამზადებელი ეტაპის პირველ მატჩში სტად ფრანსემ ბრივი დაამარცხა

ტოპ 14-ის სეზონისწინა მოსამზადებელი ეტაპის პირველ მატჩში ტიულეში ერთმანეთს "ბრივი" და "სტად ფრანსე" დაუპირისპირდნენ. 

თამაშში მხოლოდ 22 ქულა გავიდა და "სტად ფრანსეს" გამარჯვებით 12:10 დასრულდა. 

ჩვენთვის უფრო საინტერესო ის გახლავთ, რომ ამ მატჩში სამმა ქართველმა მორაგბემ ითამაშა. "ბრივის" ძირითად შემადგენლობაში კვაჭი ვანო კარკაძე და მარჯვენა ბურჯი სოსო ბეკოშვილი იყვნენ, ხოლო პარიზელთა სასტარტო თხუთმეტეულში ვასილ კაკოვინმა იასპარეზა. 

ამ მატჩის გარდა, სხვა ფრანგულმა კლუბებმაც გამართეს ამხანაგური მატჩები, რომლებშიც ქართველმა მორაგბეებმაც იასპარეზეს და ამის შესახებაც გაგაცნობთ.