ლიონის რიგებში დავით ნინიაშვილის დებიუტი შედგება

14 აგვისტოს სტარტს აიღებს საფრანგეთის 2021/2022 წლების სეზონის "სუპერსევენსი", რომელში მონაწილეობასაც 16 გუნდი მიიღებს და ერთ-ერთი მათგანი "ლიონი" გახლავთ.

პირველი ეტაპი 14 აგვისტოს პროვანსში გაიმართება, მეორე ეტაპი ტულუზში 21 აგვისტოს შედგება, ხოლო მესამე ეტაპი 28 აგვისტოს ლა როშელში ჩატარდება. ფინალურ ეტაპზე კი 8 გუნდი მიიღებს მონაწილეობას და 13 ნოემბერს გაიმართება. 

პირველი ეტაპისთვის "ლიონმა" 15-კაციანი განაცხადი გამოაქვეყნა. მათ შორისაა საქართველოს ნაკრების 19 წლის ფულბექი დავით ნინიაშვილი, რომელიც ფრანგულ კლუბს ზაფხულში თბილისის "ხვამლიდან" შეუერთდა. ნინიაშვილი თავდაპირველად ესპუარებში იასპარეზებს, თუმცა ძირითად გუნდში ვარჯიშის საშუალება ექნება და როგორც მწვრთნელებმა გადაწყვიტეს, ის 7-კაცაშიც იასპარეზებს და საჭირო გამოცდილებას მიიღებს.