ოთარ გიორგაძე შვიდთვიანი პაუზის შემდეგ მოედანს 7-კაცა რაგბით უბრუნდება

კარგი ამბავი საფრანგეთიდან - საქართველოს ნაკრების და "ბრივის" მესამეხაზელი ოთარ გიორგაძე შვიდთვიანი პაუზის შემდეგ მოედანს უბრუნდება.

კიდევ უფრო საინტერესოა, რომ გიორგაძის დაბრუნება 7-კაცა რაგბიში მოხდება. 14 აგვისტოს სტარტს აიღებს საფრანგეთის 2021/2022 წლების სეზონის "სუპერსევენსი", რომელში მონაწილეობასაც 16 გუნდი მიიღებს და ერთ-ერთი მათგანი "ბრივი" გახლავთ.

პირველი ეტაპი 14 აგვისტოს პროვანსში გაიმართება, მეორე ეტაპი ტულუზში 21 აგვისტოს შედგება, ხოლო მესამე ეტაპი 28 აგვისტოს ლა როშელში ჩატარდება. ფინალურ ეტაპზე კი 8 გუნდი მიიღებს მონაწილეობას და 13 ნოემბერს გაიმართება. 

პირველი ეტაპისთვის "ბრივმა" 15-კაციანი განაცხადი გამოაქვეყნა. მწვრთნელებმა ფილიპ კარნაბომ და სებასტიან ბონემ 15-კაცას ძირითადი გუნდიდან სამ მორაგბეს უხმეს - პიერ ტურნებიზის, ოთარ გიორგაძეს და რეტიფ მარესს. გიორგაძემ მუხლის ტრავმა 3 იანვარს "სტად ფრანსესთან" მატჩში მიიღო და 23 იანვარს კლერმონში დაზიანებულ მუხლზე ოპერაცია ჩაუტარდა, რის შემდეგაც ამ დრომდე სარეაბილიტაციო ეტაპს გადიოდა. 

"ბრიველთა" განაცხადი: