მაიკლ ჰუპერის ბრწყინვალე ჟესტი ახალზელანდიასთან წაგებული მატჩის შემდეგ (VIDEO)

ახალი ზელანდიის ნაკრები "ბლედისლოუს თასის" პირველ მატჩში ავსტრალიას "ედენ პარკზე" დაუხვდა და დამაჯერებლად 33:25 იმარჯვა.

ამ მატჩში საიუბილეო მე-100 კეპი მოიხვეჭა ახალი ზელანდიის ნაკრების ჰავბექმა აარონ სმიტმა. ეს ღირშესანიშნავი ფაქტი არ გამორჩენია ავსტრალიის ნაკრების კაპიტანს მაიკლ ჰუპერს, რომელიც წაგებული მატჩის შემდეგ, "ოლ ბლექსის" გასახდელს ესტუმრა, სმიტს ცენტურიონობა მიულოცა და სპეციალური საჩუქარი გადასცა. ჰუპერის საქციელმა "ოლ ბლექსის" მორაგბეებს შორის აღფრთოვანება გამოიწვია და "ვოლაბების" კაპიტანი აპლოდისმენტებით დააჯილდოეს. მოგვიანებით კი, ვიდეო "ოლ ბლექსის" ოფიციალურ სოციალურ ქსელში გავრცელდა და ჰუპერს მადლობა კიდევ ერთხელ გადაუხადეს, ავსტრალიელის საქციელით მოხიბლულნი დარჩნენ გულშემატკივრებიც.