აარონ სმიტი ცენტურიონი გახდა

მსოფლიოს ერთ-ერთმა საუკეთესო ჰავბექმა აარონ სმიტმა, დღეს ავსტრალიასთან "ედენ პარკზე" მოგებულ (33:25) მატჩში საიუბილეო მეასე სანაკრებო კეპი მოიხვეჭა და ცენტურიონი გახდა. 

სმიტმა პირველად ახალი ზელანდიის ნაკრების კვართი 2012 წელს ირლანდიასთან მატჩში მოირგო. მას შემდეგ აარონმა "შავების" რიგებში 21 ლელოს გატანა მოახერხა და "ოლ ბლექსის" ყველა დროის ერთ-ერთ საუკეთესო ცხრა ნომრად ითვლება. ის 2015 წლის მსოფლიო თასის გამარჯვებული გახდა, ხოლო რაგბი ჩემპიონშიპის ტიტული ექვსჯერ აღმართა. 

სმიტი საკლუბო დონეზე "ჰაილენდერსში" 2011 წლიდან ასპარეზობს, 161 მატჩში 32 ლელო აქვს გატანილი და ოტაგოელთა მაისურით ყველაზე მეტჯერ უთამაშია.