ახალმა ზელანდიამ ავსტრალია დამაჯერებლად დაამარცხა (VIDEO)

ახალი ზელანდიის ნაკრები "ბლედისლოუს თასის" პირველ მატჩში ავსტრალიას "ედენ პარკზე" დაუხვდა და დამაჯერებლად 33:25 იმარჯვა.

მართალია საბოლოო ჯამში ტაბლოზე დიდი სხვაობა არ დაფიქსირდა, თუმცა "ოლ ბლექსი" 69-ე წუთამდე 33:8 იგებდა და "ვოლაბებმა" მხოლოდ დასკვნით 11 წუთში შეძლეს 3 ლელოს გატანა, რითაც მხოლოდ ანგარიშის შემცირება მოახერხეს და თამაშის გადარჩენის შანსი არ ჰქონიათ. 

"ოლ ბლექსის" მხრიდან ლელოები სევუ რისიმ, რიჩი მო'უნგამ, დევიდ ჰავილიმ და დამიან მაკქენზიმ გაიტანეს, ხოლო "ვოლაბების" მხრიდან დუბლით გამოირჩა ტომ ბენკსი, თითო ლელოთი კი ენდრიუ კელევეიმ და  ჯორდან უელესი გამოირჩნენ.