სტად ფრანსემ 17 წლის ქართველი ბურჯი წარადგინა და სტატია მიუძღვნა

"სტად ფრანსემ" თბილისის "ხვამლის" და საქართველოს 20-წლამდელთა ნაკრების ბურჯი სერგო აბრამიშვილი წარადგინა. 17 წლის პირველხაზელს პარიზულმა კლუბმა სამწლიანი კონტრაქტი გაუფორმა და ოფიციალურ ვებგვერდზე სტატიაც მიუძღვნა.

დედაქალაქული კლუბი მოხარულია, რომ მათ ესპუარებს ნიჭიერი პირველხაზელი შეემატა. ახალგაზრდა ქართველმა მორაგბემ "სტად ფრანსესთან" კონტრაქტს უკვე მოაწერა ხელი და მომდევნო სამ სეზონს პარიზში გაატარებს. სპორტული მოღვაწეობის პარალელურად, სერგო სექტემბრიდან ჩაერთვება ფრანგული ენის სწავლებაში. 

"სერგო არის ქართული რაგბის იმედი და ამიერიდან, "სტად ფრანსეს" იმედიცაა. გარდა იმისა, რომ ის ძლიერია შერკინებაში, მას აქვს ბურჯისთვის ძალიან კარგი ათლეტური პოტენციალი. ჩვენთვის მნიშვნელოვანია, რომ მივიღოთ სხვადასხვა უნარების მქონე მოთამაშეები, რომლებიც თავიანთი თამაშით კულტურით დამატებით ღირებულებებს შესძენენ ჩვენს კლუბს", - განაცხადა "სტად ფრანსეს" ესპუარების მწვრთნელმა ბორის ბუჰრუამ. 

მორაგბის პროფილი:

სახელი/გვარი: სერგო აბრამიშვილი
პოზიცია: მარცხენა ბურჯი
ყოფილი კლუბი: "ხვამლი" (თბილისი)
აღმზრდელი კლუბი: "ხვამლი" (თბილისი)
დაბადების თარიღი: 2003 წლის 20 ნოემბერი (17 წლის)

პარიზული კლუბი სერგო წარმატებულ კარიერას უსურვებს "სტად ფრანსესთან" ერთად.