ირაკლი ცხადაძე კარიერას ფრანგულ ნასიონალში განაგრძობს

საქართველოს ნაკრების მესამეხაზელი ირაკლი ცხადაძე კარიერას ნასიონალის (საფრანგეთის ჩემპიონატის მესამე დივიზიონი) "ანგულემში" განაგრძობს. აღნიშნული ინფორმაცია შარანტელთა ოფიციალურმა ვებგვერდმა დაადასტურა.

24 წლის მორკინალმა, რომელმაც "ბრივი" ივნისის ბოლოს დატოვა, "ანგულემთან" ერთწლიანი კონტრაქტი გააფორმა. ცხადაძემ გასულ სეზონში "ბრივის" რიგებში 5-ჯერ ითამაშა, ხოლო საქართველოს ნაკრების კვართი ასევე 5-ჯერ აქვს მორგებული.

ცხადაძის გარდა, 2021/2022 წლების სეზონში "ანგულემის" ღირსებას დაიცავენ: ბურჯები ომარ ოდიშვილი და შოთა გოგისვანიძე, ვეტერანი მეორე/მესამეხაზელი შალვა სუთიაშვილი და მეორეხაზელი საბა ფესვიანიძე.