ორი ცვლილება ლომებთან გადამწყვეტი მატჩის წინ - სამხრეთ აფრიკის შემადგენლობა ცნობილია

სამხრეთ აფრიკის ნაკრების მთავარმა მწვრთნელმა ჟაკ ნინაბერმა ბრიტანელ და ირლანდიელ ლომებთან მესამე, გადამწყვეტი მატჩისთვის შემადგენლობა დაასახელა.

წინა მატჩის შემდეგ, "სპრინგბოკსის" შემადგენლობაში ორი ცვლილებაა - ერთი ხაზში და ერთი შერკინებაში. ცხრა ნომრის პოზიციაზე ფაფ დე კლერკის ნაცვლად კობუს რეინახი ითამაშებს, ხოლო ტრავმირებული მესამეხაზელის მაგივრად სასტარტო თხუთმეტეულში მეორეხაზელი ლუდ დე იახერი გამოჩნდა. იახერი მეორე ხაზში იასპარეზებს, ხოლო მღლეტელის პოზიციას ასევე მეორეხაზელი ფრანკო მოსტერტი დაიკავებს. 

როგორც ჩანს, 100%-ით გამომჯობინება ვერ მოასწრო დუეინ ვერმულენმა, რომელიც "სპრინგბოკსს" კვირას შეუერთდა, თუმცა საბოლოო ჯამში "ლომებთან" გადამწყვეტი მატჩისთვის 23-კაციან ვერ მოხვდა. მარქაფაში გამოჩნდნენ მესამეხაზელი კვაგა სმიტი და გამოცდილი მგეზავი მორნი სტეინი. 

სამხრეთ აფრიკის ნაკრების შემადგენლობა "ლომებთან" გადამწყვეტი მატჩისთვის ასეთია:

უკანა ხაზი

15. ვილი ლე რუ, 14. ჩესლინ კოლბი, 13. ლუქანიო ამი, 12. დამიან დე ალენდე, 11. მაკაზოლე მაპიმპი, 10 ანდრე პოლარდი, 9. კობუს რეინახი;

შერკინება

1. სტივენ კიტსჰოფი, 2. მბონგი მბონამბი, 3. ფრანს მალჰერბე, 4. ებენ ეთზებეტი, 5. ლუდ დე იახერი, 6. სია კოლისი (კაპიტანი), 7. ფრანკო მოსტერტი, 8. იასპერ ვიზე;

მარქაფა

16. მალკოლმ მარქსი, 17. ტრევორ ნიაკანე, 18. ვინსენტ კოხი, 19. მარკო ვან სტადენი, 20. კვაგა სმიტი, 21. ჰერშელ იანტისი, 22. მორნი სტეინი, 23. დამიან უილემსე. 

შეგახსენებთ, რომ სამხრეთ აფრიკის ნაკრების და ბრიტანელი და ირლანდიელი ლომების გადამწყვეტი მატჩი 7 აგვისტოს თბილისის დროით 20 საათზე დაიწყება.