სამხრეთ აფრიკამ ბრიტანელი და ირლანდიელი ლომები მეორე ტაიმში დაჯაბნა და სერიაში ანგარიში გაათანაბრა

სამხრეთ აფრიკის ნაკრები სამმატჩიანი სერიის მეორე შეხვედრაში ბრიტანელ და ირლანდიელ ლომებს კეიპ ტაუნში დაუხვდა და 27:9 დაამარცხა, რის შედეგადაც სერიაში ანგარიში გაათანაბრა და გამარჯვებულის ვინაობა ბოლო ტესტ-მატჩში გამოვლინდება, რომელიც 7 აგვისტოს ასევე კეიპ ტაუნში გაიმართება.

პირველ ტაიმში სამხრეთ აფრიკა 6:9 დამარცხდა, ხოლო მეორე ნახევარში სათამაშო ინიციატივა ხელთ იგდო და მოწინააღმდეგეს 21 უპასუხო ქულა გაიტანა. ლელოები მაკაზოლე მაპიმპიმ და ლუქანიო ამიმ გაიტანეს, ერთი გარდასახვა და სამი ჯარიმა კი ანდრე პოლარდმა შეასრულა ზუსტად.

შეგახსენებთ, რომ პირველ მატჩში "ლომებმა" 22:17 იმარჯვეს.