როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
დღეს ტოკიოში მიმდინარე ოლიმპიადაზე 7-კაცა რაგბის ჯგუფური ეტაპის დასკვნითი მატჩები და პლეი-ოფის პირველი შეხვედრები გაიმართა.
A ჯგუფში ახალმა ზელანდიამ ავსტრალია 14:12 დაამარცხა და ჯგუფი სამიდამ სამი მოგებით დაასრულა, ავსტრალია კი მესამე ადგილზე გავიდა, თუმცა იქიდან გამომდინარე, რომ მესამე ადგილოსნებს შორის საუკეთესო შედეგი აჩვენა, მეოთხედფინალის საგზური მოიპოვა, ისევე როგორც B ჯგუფის მესამე ადგილოსანმა კანადამ, ხოლო C ჯგუფიდან ირლანდია საუკეთესო რვა გუნდში ვერ მოხვდა და 9-12 ადგილოსნებს შორის პლეი-ოფში გავიდა. A ჯგუფის მეორე მატჩში არგენტინამ სამხრეთ კორეა 56:0 გაანადგურა და მეორე პოზიცია დაიკავა.
B ჯგუფში მოქმედმა ოლიმპიურმა ჩემპიონმა ფიჯიმ დიდი ბრიტანეთი 33:7 დაამარცხა და პირველი ადგილი დაიკავა, ხოლო კანადამ მასპინძელ იაპონიას 36:12 სძლია. C ჯგუფში ლიდერთა მატჩში სამხრეთ აფრიკამ აშშ 17:12 დაამარცხა, ხოლო ირლანდიამ კენიას 12:7 აჯობა, თუმცა როგორც ვთქვით, მესამე ადგილოსნებს შორის გატანილ-გაშვებული ქულების სხვაობით მაინც უარესი შედეგი აჩვენა - "სამყურებს" კანადამ მხოლოდ 2 ქულით აჯობა.
ამის შემდეგ, პლეი-ოფის მატჩები გაიმართა. მეოთხედფინალში ახალმა ზელანდიამ კანადა 21:10 დაამარცხა, დიდმა ბრიტანეთმა აშშ-ს 26:21 სძლია, ფიჯიმ ავსტრალიას 19:0 აჯობა, ხოლო სამხრეთ აფრიკამ არგენტინასთან 14:19 წააგო, მიუხედავად იმისა, რომ "პუმებს" მე-3 წუთზე მორაგბე წითელი ბარათით გაუძევეს და თითქმის მთელი მატჩი (11 წუთი) 6 კაცით მოუწიათ თამაში. არგენტინელებს ბოლო წუთზე კიდევ ერთი მორაგბე გაუსინბინიეს და აფრიკელებმა საჯარიმო ლელო მიითვალეს.
9-12 ადგილებისთვის შეხვედრებში ირლანდიამ სამხრეთ კორეა იოლად 31:0 დაამარცხა, კენიამ კი იაპონიას 21:7 აჯობა.
ნახევარფინალური მატჩები ხვალ გაიმართება. ახალი ზელანდია 06:00 საათზე დიდ ბრიტანეთს ეთამაშება, ხოლო 06:30 საათზე არგენტინა ფიჯის ეთამაშება. 5-8 ადგილების მატჩებში 05:00 საათზე კანადა აშშ-ს შეერკინება, 05:30 საათზე კი სამხრეთ აფრიკა ავსტრალიას შეხვდება. მე-9 ადგილისთვის მატჩში 04:30 საათზე ირლანდია კენიას დაუპირისპირდება, მე-11 ადგილისთვის შეხვედრაში კი 04:00 საათზე მასპინძელი იაპონია სამხრეთ კორეას ეთამაშება.
ფინალური ბლოკი 11:30 საათზე დაიწყება. ბრინჯაოს მედლისთვის მატჩი 12:30 გაიმართება, ხოლო ფინალური შეხვედრა 13:00 საათზე დაიწყება.
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.
ლონდონში "თვიქნემ სთედიუმზე" ერთმანეთს 2019 წლის მსოფლიო თასის ფინალისტები ინგლისი და სამხრეთ აფრიკა დაუპირისპირდნენ, რომელშიც
ბორჯღალოსნების მთავარი მწვრთნელი ლევან მაისაშვილი, ესპანეთში ფიჯისთან ნაჩვენები თამაშით კმაყოფილი დარჩა.