VIDEO: მოსკოვურ დერბიში ქართული ლელოებით გამარჯვება - ლევან ცაბაძის გუნდმა გამარჯვებით დაიწყო

რუსეთის ჩემპიონატის პირველ ტურში მოსკოვის ცსკა შინ თანაქალაქელ "სლავას" დაუხვდა და 13:24 დამარცხდა.

ლევან ცაბაძის გაწვრთნილი "სლავას" რიგებში სამ ქართველ მორაგბეს ჰქონდა დებიუტი. ძირითად შემადგენლობაში იყვნენ ჰავბექი სანდრო ნახუცრიშვილი და ფულბექი ირაკლი სვანიძე, ხოლო მარჯვენა ბურჯი ნიკა ჩუმაშვილი მინდორზე შესვენების შემდეგ გამოჩნდნენ.

"სლავას" გამარჯვებაში გადამწყვეტი როლი ქართველმა მორაგბეებმა იქონიეს - 42-ე წუთზე ირაკლი სვანიძე საკუთარ 22-ში მეტოქის მიერ ფეხით შეცურებულ ბურთს დაეუფლა, რის შემდეგაც დაახლოებით 70 მეტრი გაირბინა და ნახტომში მშვენიერი ლელო მიითვალა, ხოლო სამ წუთში ბურჯების ეფექტური კომბინაცია ნიკა ჩუმაშვილმა დაასრულა ლელოთი. 

სეზონის გახსნითი მატჩი შაბათს პენზაში შედგა, სადაც ვიცე-ჩემპიონი "ლოკომოტივი" უმაღლესში აღზევებულ "დინამოს" დაუხვდა და დიდი სხვაობით 59:19 აჯობა. პენზელთა ძირითად შემადგენლობაში იყვნენ მარჯვენა ბურჯი ტარიელ დონაძე, მესამეხაზელი ილია სპანდერაშვილი და შუამარბი ნიკოლოზ ცირეკიძე.

ირაკლი სვანიძის ლელო



ნიკა ჩუმაშვილის ლელო