სამხრეთ აფრიკა - ბრიტანელი და ირლანდიელი ლომები 17:22 (VIDEO)

სამხრეთ აფრიკის ნაკრები კეიპ ტაუნში ბრიტანელ და ირლანდიელ ლომებს დაუხვდა და სამმატჩიანი სერიის პირველ მატჩში 17:22 დამარცხდა.

"სპრინგბოკსმა" ტაიმი 12:3 მოიგო, თუმცა მეორე ნახევარში უჩვეულოდ ბევრი შეცდომა დაუშვა და სტუმრებმა 9-ქულიანი ჩამორჩენის აღმოფხვრა მოახერხეს. პირველ ნახევარში ანდრე პოლარდმა ოთხი ჯარიმა გაიტანა, რასაც დენ ბიგარმა ერთი ჯარიმით უპასუხა. მეორე ტაიმის საწყის ათ წუთში გუნდებმა ლელოები გაცვალეს: 43-ე წუთზე ლუკ ქოუან-დიქიმ შეამცირა სხვაობა, გარდასახვა კი ბიგარმა გაიტანა, ხოლო ხუთ წუთში ფაფ დე კლერკმა შეძლო ლელოს გატანა. 

დასკვნითმა 30 წუთმა "ლომების" უპირატესობით ჩაიარა, რაც დენ ბიგარის სამ და ოუენ ფარელის ერთ ზუსტ საჯარიმოში აისახა და სამმატჩიან სერიაში ბრიტანელი და ირლანდიელი ლომები დაწინაურდნენ - 1:0.