ბრივმა ესპუარების განაცხადი გამოაქვეყნა - 33 მორაგბიდან 3 ქართველია

"ბრივის" ოფიციალურმა ვებგვერდმა 2021/2022 წლების სეზონისთვის ესპუარების 33-კაციანი შემადგენლობა გამოაქვეყნა.

აღნიშნულ განაცხადში სამი ქართველი მორაგბე ფიგურირებს - 22 წლის მარჯვენა ბურჯი ლუკა ჯაფარიძე, 21 წლის კვაჭი ვანო კარკაძე და 22 წლის მგეზავი თედო აბჟანდაძე. სამივე მათგანს ძირითად გუნდში ვარჯიში და თამაში უწევთ, თუმცა იქიდან გამომდინარე, რომ ესპუარების კონტრაქტი აქვთ გაფორმებული, ამ განაცხადში ფიგურირებენ. 

შეგახსენებთ, რომ ზემოხსენებული ტრიოს გარდა, "ბრივის" ღირსებას სოსო ბეკოშვილი, ოთარ გიორგაძე და ვასილ ლობჟანიძე იცავენ, ხოლო ირაკლი ცხადაძემ და ბადრი ალხაზაშვილმა კლუბი დატოვეს.