სამოამ ტონგა დამაჯერებლად დაამარცხა და 2023 წლის მსოფლიო თასის საგზური მოიპოვა

სამოას ნაკრებმა ტონგა მეორე მატჩშიც დაამარცხა და 2023 წლის მსოფლიო თასის საგზური მოიპოვა.

პირველ მატჩში "მანუ სამოას" 42:13 ჰქონდა მოგებული, ხოლო დღეს გამართულ შეხვედრაში 37:15 იმარჯვა, საერთო ჯამში 79:28 აჯობა მეტოქეს და საფრანგეთში გასამგზავრებელი საგზური ძალიან იოლად გაინაღდა.

სამოა მსოფლიო თასზე D ჯგუფში იასპარეზებს, სადაც მისი მეტოქეები ინგლისი, იაპონია, არგენტინა და ამერიკა 2-ის საგზურის მფლობელი იქნებიან. ტონგა კი პლეი-ოფში გადაინაცვლებს, სადაც ორმატჩიან დუელში კუკის ნაკრებს დაუპირისპირდება, რომელთაგან გამარჯვებული მსოფლიო თასზე გავა, დამარცხებული კი რეპეშაჟში გადაინაცვლებს.