ირლანდიის ნაკრების შემოდგომის ტესტები ცნობილია

ირლანდიის რაგბის კავშირმა შემოდგომის ტესტები დაადასტურა. 

"სამყურები" სულ ოთხ შეხვედრას გამართავენ. 30 ოქტომბერს შემოდგომის ტესტების გახსნით მატჩში ლას ვეგასში აშშ-ს ესტუმრებიან, დანარჩენ სამ შეხვედრას კი შინ "ავივა სთედიუმზე" ჩაატარებენ.

ირლანდიის ნაკრები 6 ნოემბერს იაპონიას უმასპინძლებს, რომელსაც 3 ივლისს 39:31 სძლია. 13 ნოემბერს "სამყურების" მეტოქე ახალი ზელანდიის ნაკრები იქნება, რომელსაც ბოლოს შინ 2018 წელს ეთამაშა და 16:9 დაამარცხა. დასკვნით ტესტ-მატჩში კი ირლანდიელთა მოწინააღმდეგე 21 ნოემბერს არგენტინის ნაკრები იქნება.