ბათუმმა სამი ახალწვეული წარადგინა

სარაგბო კლუბმა "ბათუმმა" საზოგადოებას სამი ახალწვეული წარუდგინა.

საქართველოს მოქმედ ვიცე-ჩემპიონს გააძლიერებენ: თბილისის "ლოკომოტივის" მარჯვენა ბურჯი გიორგი ჩხარტიშვილი, მარნეულის "არმაზის" მგეზავი რეზი ჯინჭველაშვილი და ქუთაისის "აიას" შუამარბი ზურაბ ძნელაძე, რომელსაც საქართველოს ნაკრების კვართით 11-ჯერ უთამაშია და 2019 წლის მსოფლიო თასზე მიიღო მონაწილეობა. 

აქვე შეგახსენებთ, რომ "ბათუმი" შვიდმა მორაგბემ დატოვა. მარცხენა ბურჯი გოგა ქადარია, მესამეხაზელი გიორგი თხილაიშვილი, მგეზავი ლაშა ხმალაძე, შუამარბი გურამ ქანდაურიშვილი და ფრთა ალექსანდრე თოდუა პირველი ქართული ფრენჩაიზის "შავი ლომის" რიგებში ითამაშებენ, კლუბი ასევე დატოვა ამირან მიქაძემ, შოთა გოგისვანიძე კი კარიერას ფრანგულ "ანგულემში" განაგრძობს.