ოფიციალურად: თორნიკე ჯალაღონიამ კარიერაში პირველი პროფესიონალური კონტრაქტი გააფორმა

© Icon Sport

საქართველოს ნაკრების მესამეხაზელმა თორნიკე ჯალაღონიამ კარიერაში პირველი პროფესიონალური კონტრაქტი გააფორმა. "ბიარიცის" ოფიციალური ვებგვერდის ცნობით, მან ბასკურ კლუბთან ხელშეკრულება სამი წლით გაახანგრძლივა და "პარკ დე სპორტს აგილერაზე" 2024 წლის ივნისამდე ითამაშებს.

ჯალაღონია "ბიარიცში" 2018 წელს გორის "ჯიქიდან" გადავიდა, თუმცა აქამდე ესპუარის კონტრაქტით ასპარეზობდა. მან გასულ სეზონში 15 შეხვედრა ჩაატარა, 3 ლელო გაიტანა და ბასკურ კლუბს შვიდწლიანი პაუზის შემდეგ ტოპ 14-ში დაბრუნებაში დაეხმარა. 

22 წლის მესამეხაზელს საქართველოს ნაკრების რიგებში დებიუტი 2020 წლის მარტში ჰქონდა, მას შემდეგ 10 კეპი მოიხვეჭა და 2 ლელო გაიტანა. ჯალაღონიას 2017 და 2018 წლებში მსოფლიოს 20-წლამდელთა ჩემპიონატზე უმცროსი ბორჯღალოსნების რიგებში 10 შეხვედრა აქვს ჩატარებული და 1 ლელოს დადება მოახერხა.