ცნობილია ხუთი მორაგბის ვინაობა, რომლებიც პირველ ქართულ ფრენჩაიზში ითამაშებენ

ცნობილია ხუთი მორაგბის ვინაობა, რომლებიც პირველი ქართულ ფრენჩაიზის რიგებში იასპარეზებენ. 

პირველი ქართული ფრენჩაიზის შექმნის შესახებ რამდენიმე კვირის წინ გაჟღერდა და როგორც ვიცით, უახლოეს პერიოდში მისი წარდგენა ოფიციალურად მოხდება, შემოდგომიდან კი "რაგბი ევროპის" მიერ შექმნილ ახალ ტურნირში ჩაერთვება. 

გუშინ სარაგბო კლუბ "ბათუმმა" სოციალურ ქსელში განაცხადა, რომ მათი რიგებიდან ქართულ ფრენჩაიზში ხუთი მორაგბე ითამაშებს. ეს მორაგბეები არიან: მარცხენა ბურჯი გოგა ქადარია, მესამეხაზელი გიორგი თხილაიშვილი, მგეზავი ლაშა ხმალაძე, შუამარბი გურამ ქანდაურიშვილი და ფრთა ალექსანდრე თოდუა. მათ გარდა, აჭარული გუნდი მეორეხაზელმა ამირან მიქაძემ და მარჯვენა ბურჯმა შოთა გოგისვანიძემ დატოვეს, რომელიც კარიერას ფრანგულ "ანგულემში" განაგრძობს. 

"ბათუმმა" გუნდიდან წასულ მორაგბეებს გაწეული სამსახურისთვის მადლობა გადაუხადა და სამომავლო კარიერაში წარმატებები უსურვა.