ვილ ჯორდანის ხუთი ლელო ტონგას ნაკრების წინააღმდეგ (VIDEO)

ახალი ზელანდიის ნაკრები ოკლენდში სხვადასხვა მიზეზების გამო შესუსტებული შემადგენლობით მყოფ ტონგას დაუხვდა, მოწინააღმდეგე არ დაინდო და სამარცხვინო მარცხი აგემა - 102:0. 

"ოლ ბლექსმა" მოწინააღმდეგ 16-ჯერ (!) დაალელოვა, საიდანაც 5 ლელო უილ ჯორდანის ანგარიშზეა, 3 კი ბრედ ვებერის. პირველი ტაიმი 43:0 დასრულდა, "შავები" უკვე მეათე წუთისთვის 26:0 იგებდნენ და ნათელი იყო, რომ კატასტროფული სხვაობა დაფიქსირდებოდა. 

ახალი ზელანდია 10 და 17 ივლისს ფიჯის უმასპინძლებს, ხოლო ტონგა მსოფლიო თასის შესარჩევ მატჩებში სამოას დაუპირისპირდება, რომელიც დღეს მაორი ოლ ბლექსთან 21:38 დამარცხდა.

იხილეთ ჯორდანის ხუთივე ლელო.