სისწრაფე, ძალა და სტრატეგია – მხოლოდ ერთი გახდება გამარჯვებული! ⚡ 2025 წელს თბილისი მასპინძლობს უნიკალურ საერთაშორისო ღონისძიებას — 1vs1
რუმინეთი - არგენტინა 17:24 (VIDEO)
04-07-2021 13:48
კრიზისში მყოფი რუმინეთის ნაკრები განახლებულ "არკულ დე ტრიუმფიზე" არგენტინას დაუხვდა და უაღრესად დაძაბულ ბრძოლაში ძალიან დასანანი მარცხი იწვნია - 17:24.
პირველი ნახევარი 9:17 დასრულდა. არგენტინელთა სამ ლელოს რუმინელებმა სამი ზუსტი ჯარიმით უპასუხეს, მეორე ტაიმის საწყის 20 წუთში კი მასპინძლებმა ლელო (რომელიც ვერ გარდასახეს) და ჯარიმა გაიტანეს, რითაც ანგარიში 17:17 გახდა.
ენდი რობინსონის შეგირდები თავს ძალიან მაგრად იცავდნენ, არაერთხელ დაიცვეს თავი 5-მეტრიანში, გაუძლეს მოწინააღმდეგის შერკინებებს, რამდენჯერმე მოლში ჩაუხურეს ბურთი, მაგრამ 72-ე წუთზე, როდესაც ანტონესკუს გასინბინების გამო 14 კაცით იყვნენ, კონტრშეტევიდან დასანანი ლელო გაუშვეს და "პუმები" 7 ქულით დაწინაურდნენ.
რუმინელთა სასახელოდ უნდა ითქვას, რომ რიცხობრივი უმცირესობის მიუხედავად არ დანებებულან და ბოლო წუთებზე ანგარიშის გათანაბრებასთან ძალიან ახლოს იყვნენ, "სტეჟარებს" ლელომდე სულ რაღაც ერთი მეტრი დააკლდათ, "პუმებმა" თავი წესების დარღვევით დაიცვეს და 78-ე წუთზე გონსალო ბერტრანუ გაუსინბინეს. მასპინძლებმა ბურთი კვლავ აუტში გადაიტანეს და მოლის აგორება სცადნენ, მაგრამ შეტევაში დაჯარიმდნენ და ამით ისტორიული ფრის შანსი დაკარგეს - 17:24.
რუმინეთის ნაკრები მსოფლიო თასს მიღმა პირველი დონის გუნდს 2006 წლის შემდეგ პირველად ეთამაშა, ხოლო შინ ტიერ 1-ის გუნდს 2004 წლის შემდეგ პირველად დაუხვდა და ეს დიდი დაბრუნება, "მუხებისთვის" აშკარად ძალიან წარმატებული გამოდგა - განახლებულ და ძალიან ლამაზ "არკულ დე ტრიუმფიზე" ბევრმა გულშემატკივარმა მოიყარა თავი და სტაჟიან გულშემატკივრებს აუცილებლად გაახსენდებოდათ ის დრო, როდესაც რუმინეთი პირველი დონის გუნდებს უგებდა და ტოლსწორად ეთამაშებოდა, ხოლო ახალგაზრდა ქომაგს ასეთი თამაშის ფონზე რუმინული რაგბის აღორძინების იმედი გაუჩნდებოდა.
კომენტარის დასამატებლად საჭიროა ავტორიზაცია
კომენტარები 0
🏖️ პირველი ქვიშის თაჩ-რაგბის ტურნირი დასავლეთ საქართველოში – „ზაფხულის თამაშები 2025“
თარიღი: 28-09-2025 04:55
31 აგვისტოს ფოთში გაიმართა ქვიშის თაჩ რაგბის ტურნირი ფოთის მუნიციპალიტეტისა და თაჩ რაგბი ჯორჯიას ორგანიზებით. მონაწილეობა მიიღო რეგიონის 8
საქართველოს ეროვნული ნაკრების შემადგენლობა 2024 წლის ერთა თასზე
თარიღი: 29-01-2024 00:32
როგორც მოსალოდნელი იყო 2024 ის ერთა თასისთვის ახალმა მწვრთნელმა, დატოვებულ შემადგენლობაში ცვლილებები შეიტანა და ერთბაშად 11 დებიუტანტს უხმო
საფრანგეთი - ახალი ზელანდია 40:25 (VIDEO)
თარიღი: 22-11-2021 21:48
აღსანიშნავია, რომ "ლე ბლემ" "ოლ ბლექსის" დამარცხება 2009 წლის შემდეგ პირველად მოახერხა.