საქართველოს 20-წლამდელთა ნაკრებმა ურუგვაის რევანში აუღო და ტურნირი მე-3 ადგილზე დაასრულა

© Roger Sedres / Trysportimages

საქართველოს 20-წლამდელთა ნაკრებმა სამხრეთ აფრიკაში გამართული საერთაშორისო ტურნე მე-3 ადგილზე დაასრულა. უმცროსმა ბორჯღალოსნებმა დასკვნით მატჩში ურუგვაის ნაკრებს სძლიეს და ჯგუფურ ეტაპზე განცდილი მარცხისთვის (15:20) რევანში აუღეს. 

საქართველომ პირველი ტაიმი 13:3 მოიგო, ხოლო მეორე ნახევარში გუნდებმა თითო ლელო გაიტანეს და მატჩი 20:8 დასრულდა. ჩვენი გუნდიდან ლელოების გატანა გიორგი მაისურაძემ, თორნიკე კახოიძემ და რატი ზაზაძემ მოახერხეს. ურუგვაელებმა ერთადერთი ლელოს გატანა მატჩის მიწურულს მოახერხეს.

ურუგვაი 22-ე წუთიდან 14 კაცით თამაშობდა, რადგან მათმა შუამარბმა ალონსომ წაქცეულ პეტრე ხუციშვილს თვალში თითი ატაკა და წითელი ბარათით დაისაჯა, ხოლო 30-ე წუთზე ბურთზე განზრახ ხელის ჩარტყმისთვის მოთამაშე გაუსინბინეს და 10 წუთით 13 კაცით დარჩნენ. საქართველოს 20-წლამდელთა ნაკრებს კი დასკვნით მონაკვეთში ლუკა კვენეტაძე და საბა არჩვაძე გაუსინბინეს.

ამრიგად, უმცროსმა ბორჯღალოსნებმა სამხრეთ აფრიკაში გამართული ტურნირი ერთი მოგებით და სამი მარცხით დაასრულეს.