ჟაკ ნინაბერი: "ჩემგან კომპლიმენტები საქართველოს ნაკრებს"

სამხრეთ აფრიკის ნაკრების მთავარმა მწვრთნელმა ჟაკ ნინაბერმა საქართველოსთან მოგებული (40:9) მატჩის შემდგომ პრესკონფერენციაზე აღნიშნული შეხვედრა შეაფასა და მოწინააღმდეგე შეაქო.

ნინაბერი, რომელსაც "სპრინგბოკსის" მთავარი მწვრთნელის პოსტზე დებიუტი ჰქონდა, საქართველოს ნაკრების ასპარეზობით გაკვირვებული დარჩა და მისი თამაში მოიწონა, ხოლო საკუთარ გუნდთან მიმართებაში აღნიშნა, რომ მათ 19-თვიანი უთამაშებლობა ეტყობოდათ და საჭიროა, რომ მომდევნო მატჩისთვის მთელ რიგ ასპექტებში თამაში გააუმჯობესონ.

მისი აზრით, "ბორჯღალოსნებმა" მსოფლიო ჩემპიონებს განსაკუთრებული პრობლემები საწყის 30 წუთში შეუქმნეს, როდესაც სტუმრები 5:9 იგებდნენ.

სამხრეთ აფრიკის და საქართველოს ნაკრებები მეორე მატჩს 9 ივლისს იოჰანესბურგში გამართავენ.