საქართველოს ნაკრების ძირითად შემადგენლობაში იძულებითი ცვლილება მოხდა

© Georgian Rugby

სამხრეთ აფრიკასთან გასამართი პირველ მატჩისთვის, საქართველოს ნაკრების ძირითად შემადგენლობაში იძულებითი ცვლილება განხორციელდა.

საქართველოს რაგბის კავშირის ცნობით, მესამეხაზელმა გიორგი ცუცქირიძემ მცირე ტრავმა მიიღო და 2 ივლისს გასამართ მატჩში მონაწილეობას ვეღარ მიიღებს. მის ნაცვლად, ძირითად შემადგენლობაში პენზას "ლოკომოტივის" მორკინალი, 20-წლამდელთა ნაკრების ყოფილი კაპიტანი ილია სპანდერაშვილი იქნება, რომელსაც "ბორჯღალოსნებში" დებიუტი 26 ივნისს ნიდერლანდებთან მოგებულ მატჩში ჰქონდა, ხოლო მარქაფაში "ბრივის" აწ უკვე ყოფილი მესამეხაზელი ირაკლი ცხადაძე გამოჩნდა.

შეგახსენებთ, რომ "ბორჯღალოსნები" 2 ივლისს სამხრეთ აფრიკას 21 საათზე პრეტორიაში ეთამაშებიან, ხოლო 9 ივლისს იოჰანესბურგში შეერკინებიან.