ოფიციალურად: აქვსენტი გიორგაძე სამხრეთაფრიკული შარქსის შერკინების მწვრთნელი გახდა

საქართველოს ნაკრების ლეგენდარული კვაჭი აქვსენტი გიორგაძე სამხრეთაფრიკული "შარქსის" შერკინების მწვრთნელი გახდა. აღნიშნული ინფორმაცია დღეს ოფიციალურად დადასტურდა.

45 წლის გიორგაძე, რომელსაც 1996-2011 წლებში "ბორჯღალოსნების" კვართით 62-ჯერ უთამაშია, მოთამაშის კარიერის შემდეგ საფრანგეთის ნაკრებში დასაქმდა, სადაც 2012-2015 წლებში კვაჭებს ავარჯიშებდა, ხოლო 2015 წელს "ლა როშელს" შეუერთდა, რომლის შერკინებასაც 2020 წლამდე წვრთნიდა და კლუბი ორმხრივი შეთანხმების საფუძველზე გათვალისწინებულზე ორი წლით ადრე დატოვა.

ეს იქნება პირველი შემთხვევა, როდესაც ქართველი მწვრთნელი უმაღლესი დონის სამხრეთ ნახევარსფეროს გუნდის მწვრთნელი იქნება.